адукацыйна-культурніцкая ініцыятыва
Buślanka
Buślanka
Мы ствараем анлайн-курсы і навучальныя матэрыялы на беларускай мове для дзяцей 5–17 гадоў па ўсім свеце.
Дапамагаем дзецям захоўваць родную мову, фарміраваць нацыянальную тоеснасць і адкрываем шляхі для іх дасягненняў у глабальным свеце.
АДУКАЦЫЯ ПА-БЕЛАРУСКУ ДЛЯ ДЗЕТАК ПА ЎСІМ СВЕЦЕ
Наша дзейнасць
Мы фарміруем сучасную адукацыйную прастору, якая аб’ядноўвае беларускія сем’і па ўсім свеце. Наша мэта — дапамагчы дзецям захаваць мову, усведамляць сваю нацыянальную тоеснасць і атрымаць якасныя веды для паспяховага жыцця ў глабальным свеце. Гэтаму спрыяюць нашы практычныя крокі: мы аб’ядналі больш за 20 прафесійных педагогаў і наша каманда працягвае расці. Мы пастаянна распрацоўваем новыя аўтарскія дапаможнікі ды ствараем жывое асяроддзе падтрымкі для беларускіх сем’яў у розных краінах.
ЗАНЯТКІ ДЛЯ ДЗЯЦЕЙ АД 5 ДА 17 ГАДОЎ У ФАРМАЦЕ ГАДАВЫХ ПРАГРАМ І КАРОТКАТЭРМІНОВЫХ ІНТЭНСІВАЎ
Анлайн-курсы
Беларуская мова і літаратура
Гадавы цыкл заняткаў для дзяцей 5-17 гадоў
Гісторыя і мастацтва Беларусі
Гадавы цыкл заняткаў для дзяцей 12-17 гадоў
Прыродазнаўства
Цыкл з 16 заняткаў для дзяцей 7-9 гадоў
Біялогія
Цыкл з 16 заняткаў для дзяцей 10-14 гадоў
І яшчэ больш за дзясятак праграм і інтэнсіваў для розных узростаў.
Падбярыце курс пад узрост і ўзровень ведаў дзіцяці
МЫ ГАНАРЫМСЯ СВАЁЙ ПРАЦАЙ
Нашыя дасягненні
Настаўніцкая супольнасць
20+ прафесіяналаў, якія распрацоўваюць і праводзяць заняткі. Супраца з настаўнікамі і школамі ў Еўропе і Грузіі.
Анлайн-адукацыя
10+ анлайн-курсаў для дзяцей і дарослых на роднай мове. 200+ вучняў.
Дапаможнікі
Стварэнне альтэрнатыўных дапаможнікаў па вывучэнні беларускай мовы, а таксама чытанні і пісьме.
Анлайн-часопіс
Штомесячны часопіс для школьнікаў, бацькоў і настаўнікаў.
Дыдактычныя напрацоўкі
Супраца з вырабнікамі мультымедыя для стварэння якаснага адукацыйнага кантэнта на роднай мове для дзяцей.
Партнёрства
Стварэнне альтэрнатыўных дапаможнікаў па вывучэнні беларускай мовы, а таксама чытанні і пісьме.
Кола патронаў
Магістрат па фінансаванні: рэсурс для падтрымкі праектаў.
Будзьце ў курсе нашых навін
Падпішыцеся на рассылку, каб атрымліваць новыя дапаможнікі, практычныя практыкаванні і анонсы наборы на курсы.
СЛОВА - ДЗЕТКАМ І ІХ БАЦЬКАМ!
Водгукі
Мама Ганны, 3 клас
"Вялікая радасць для дачкі займацца. Яна ня толькі вывучае мову, але і знаходзіцца ў добразычлівым да дзетак асяроддзі. Усе з павагай, з гумарам і разуменнем дзіцячай псіхалогіі. Дзякуй!"
Мама Цімафея, 1 клас
"Самыя цёплыя і шчырыя ўражанні! Велізарная падзяка за паўнавартасныя заняткі Роднай Мовы, насычаныя ведамі, цікавосткамi, цеплынёй і добрым гумарам. Шчыра дзякуем за магчымасць! Я б зусім паслабілася, калі б на шляху Цімафея заўсёды сустракаліся такія настаўнікі. З удзячнасцю i самымi добрымi пажаданнямi!"
Тата Эміліі, 3 клас
"У дачкі значна падняўся ўзровень чытання і пісання. Настаўніца вышэй усялякіх пахвал."
Мама Кацярыны, 2 клас
"Вельмі добрыя ўражанні. Цікавыя, інтэрактыўныя заняткі, якія вельмі чакала дачка і рыхтавалася загадзя. Вялікі дзякуй за вашу працу, за любоў і цеплыню."
Мама Ксеніі, 7 клас
"Вялікі дзякуй настаўнікам і арганізатарам за магчымасць вывучаць родную мову і гісторыю! Цікавыя заняткі, прыемныя дзеці і настаўнікі. З задавальненнем далучымся да наступнага навучальнага года."
Мама Міхася, 3 клас
"Міхась з радасцю наведваў усе заняткі. На жаль, не заўжды хапала яму ўседлівасці і часу на выкананне хатніх заданняў. Асобна дзякуем за падбор матэрыялаў для чытання. Гісторыя пра Казіка вельмі захапіла маленькага чытача, а сустрэча з аўтарам кнігі натхніла і ўразіла. Шчыра дзякуем за вашую працу!"
Тата Дзіяны, 4 клас
"Толькі самыя пазітыўныя ўражанні! Маем вялікую падзяку за вашае існаваньне ўвогуле, і за такую якасную працу настаўнікаў, за прыемную і бясьпечную атмасфэру на занятках."
Тата Міхася, 4 клас
"Міхасю падабаюцца заняткі, а нам падабаецца, што сярод шматмоўнага асяроддзя ён вылучае і вывучае матчыну мову."
Мама Зміцера, 3 клас
"Мы пачалі больш размаўляць на мове, і сыну вельмі падабаецца."
Мама Макара, 4 клас
"Навучанне дало магчымасць Макару вучыцца ў зручным фармаце і адначасова паглыбляць веды пра родную мову і культуру. Настаўніца падтрымлівала і матывавала, таму нават дыстанцыйна адчувалася сапраўдная школьная атмасфера."
Мама Францішка і Ядзі, 7 і 3 класы
"Быў вельмі прыемны і пазітыўны год, шмат новага даведаўся сын. Дачка вельмі любіла прыходзіць на заняткі, для яе гэты было вельмі важна."
Тата Арцемія, 9 клас
"Вялікі дзякуй настаўніцы мовы і літаратуры і настаўніку гісторыі - іх намаганні перадаць дзецям веды і любоў да роднага заслугоўваюць найвялікшай адзнакі і пашаны! Будзе вельмі шкада, калі школка скончыць сваё існаванне. Мы разам былі 3 гады! І сын атрымліваў не толькі веды, але і такі "глыток паветра" нібы з іншага свету. Дзякуй усім, хто працаваў і працуе ў праекце!"
Мама Веры, 3 клас
"Мы вельмі ўдзячныя! Заняткі праходзілі цікава і пазнавальна. Дзякуючы разнастайным заданням, формам працы, заняткі праходзілі хутка і атрымлівалася зрабіць шмат працы. Шчыра дзякуем."
Мама Мікіты і Міланы, 2 і 3 класы
"Дзецям вельмі спадабалася настаўніца. І тое што яны чыталі творы і цікавыя заданні выконвалі. Мы атрымалі вельмі пазітыўныя фідбэкі ад настаўнікаў амерыканскай школы наконт курсіўнага пісьма абодвух дзяцей. Дзякуючы заданням у беларускай школе яны навучыліся хутка і прыгожа, старанна пісаць. Светлая асоба настаўніцы - ключ да сэрцаў дзяцей))"
Мама Агаты і Роберта, 3 і 5 класы
"Заняткі дапамагалі ў падтрыманні роднай мовы ў дзяцей, давалі сістэматычную практыку гаварэння, разумення яе. І вельмі карысныя заняткі па гісторыі і культуры Беларусі. Малодшы пачаў дзе-нідзе казаць што-небудзь па-беларуску. І гэта вялікі поспех!"
Мама Каці і Мішы, 2 і 3 класы
"Вельмі спадабаўся вынік і жаданне дзяцей і далей вывучаць родную мову. Дзякуй вам!"
Мы заўсёды адкрытыя да камунікацыі!
Напішыце нам, і мы адкажам на ўсё, што вас цікавіць пра працы і праекты фундацыі.
Fundacja Edukacji „Buślanka”
KRS: 0001180058
REGON: 542069420
NIP: 7011266604
Adres: ul. HOŻA, nr 86, lok. 410, WARSZAWA,
kod 00-682, kraj POLSKA